مين احنا
يا زاير موقع بلدنا
أو... يَلّي نويتْ تزورنا
يا ميتْ مَرْحَبا … نَوّرِتْ
تراها مْشَرّعه … للضيفان دورنا
وان ما وِسعتكْ
يا مِرحَبابَك
محلّكْ هون … في حَشَاشْ صدورنا
هذا عِنوانّا
بالحُب نسجناه وانكتب
تسليه وعِلمْ وثقافه وأدبْ
إن انبسَطِتْ … من دواعي سرورنا
وان شُفِتْ مِنّاغَلَطْ
عَليوم
تسامِحنا وتُكتُبلنا
حتى نِنْتِبه
ونعالج قصورنا
عرِفِت مين إحنا ؟
إحنا ولاد قريه
شباب
أقسمنا يمين الله … عالحُب نبنيها
وعاهدنا جدودنا بهداب العين نحميها
نسجنا عالشمس تاريخنا
لونّا سَمَاها بْفَرَحْ
الروح ؟
يا خسى الروح
لتراب صير نهديها
حَبينا على عتابْها
ربِينا على ترابها
كبِرنا
وكِبر الوطن معنا
ورضِعنا الكرامه
من زُغرنا
في علاليها
مهداه من
هشام القادري - ابو احمد
|
